Ai në Facebook ka shkruar se gjatë ditëve të kaluara është tërhequr vërejtja për pasojat e mundshme të vendimeve të Kurtit.
Sipas tij, zhvillimet e sotme janë indikatorë se Qeveria serbe dhe strukturat në veri të Kosovës kanë mirëpritur politikat të cilat ai i ka quajtur aventureske e fëminore të Albin Kurtit dhe Vjosa Osmanit.
“Gjatë ditëve të kaluara shumë nga ne kemi tërhequr vërejtjen për pasojat e mundshme të vendimeve të Albin Kurtit. Zhvillimet e sotme janë indikatorë të qartë se Qeveria e Serbisë dhe strukturat parapoltike në veri të Kosovës kanë mirëpritur politikat aventureske e fëminore të Albin Kurtit dhe Vjosa Osmanit, të cilët me kryeneqësi rrënuan çdo gjë që me aq mund ishte arritur në integrimin e veriut në sitemin e Kosovës që nga viti 2013”, ka shkruar ai.
Teksa ka theksuar se kryeministri Kurti po refuzon çdo koordinim dhe bashkëpunim me partnerët e Kosovës.
Ai tha se Kurti e Osmani me politikat e tyre shkurtëpamëse po ia dorëzojnë veriun e Kosovës në pjatë Serbisë dhe politikës kriminale të saj.
“Albin Kurti po refuzon çdo koordinim dhe bashkëpunim me partnerët e Kosovës në botë. Paradoksalisht, rreziku më i madh Kosovës sot po I vie nga këta liderë dhe aventurat e tyre fëminore politike! Me politikat e tyre shkurtëpamëse Kurti e Osmani, po ia dorëzojnë veriun e Kosovës në pjatë Serbisë dhe politikës kriminale të saj”, tha tutje ai./teve1.info./