Kryetari i degës së Lidhjes Demokratike të Kosovës në Podujevë dhe kandidati për deputet, Ekrem Hyseni, lënien jashtë listës për zgjedhjet e ardhshme Agim Veliun e ka cilësuar si pjesë të procesit.
Ai ka thënë në çdo proces ka pas dhe do të ketë dikë që nuk do të jetë pjesë listës.
Në “InfoNata” në Tëvë1 tha se kjo nuk i ndalon ata të kontribuojnë për partinë.
“Lista e LDK-së si ne nivelin lokal është një listë që përbehet nga profesione të ndryshe e mosha të ndryshme. Edhe në të kaluarën edhe sot ka me ndodh që të ketë procese të cilat mund të mos jetë i përfshirë ky ose ai, por kjo nuk do të thotë që këta njerëz nuk mund ta japin kontributin e tyre në LDK”, tha Hyseni.
I pyetur nëse kjo është ftesë për Agim Veliun të ndihmojë LDK- për zgjedhjet parlamentare të 9 shkurtit, tha se për “shtëpinë e tyre” mund të japin kontribut të gjithë.
“Mos prezenca e kujtdo që ka qenë pjesë e LDK-së dhe do të jetë pjesë e LDK-së normalisht që kontributin mund ta jap për shpinë e vet dhe LDK-në”, u shpreh Hyseni.
Ndryshe, Agim Veliu nuk është përfshirë në listën e kandidatëve të LDK-së për deputetë.
Veliu ka thënë se po mundohen me eliminu politikisht, dhe sipas tij ky është projekt i vitit 2021 nga Albin Kurti dhe Vjosa Osmani, që po e realizon Abdixhiku.
