Kryetari i Komunës së Gjilanit, Alban Hyseni, ka deklaruar se katër vitet e ardhshme të qeverisjes komunale do të jenë një vazhdimësi e sukseseve të deritanishme, por me një intensitet më të madh dhe përmirësim të gabimeve nga e kaluara.
Në emisionin “Këndi i debatit” në Tëvë1, Hyseni ka folur për projektet aktuale dhe ato të planifikuara për të ardhmen, të cilat kapin një vlerë prej mbi 45.78 milionë euro.
Sipas tij, projektet kryesore janë:
-
Stacioni i autobusëve – 1 milion euro, pritet të përfundojë këtë vit;
-
Qendra e qytetit – 2 milionë euro, gjithashtu përfundim brenda këtij viti;
-
Zgjerimi i rrugës “Hamdi Kurteshi” – 2.4 milionë euro;
-
Qendra ditore për të moshuarit, kuzhina humanitare dhe bujtina – 2.5 milionë euro;
-
Salla e sportit – 2.9 milionë euro, përfundon këtë vit;
-
Shkolla e Mjekësisë – 3.3 milionë euro;
-
Banimi i përballueshëm social – 4.5 milionë euro, në bashkëpunim me disa komuna të tjera;
-
Stadiumi i qytetit – 12 milionë euro.
Po ashtu, ai bëri të ditur se janë nënshkruar edhe shumë projekte të reja, të cilat do të realizohen në periudhën në vazhdim.
“Besoj që deri në përfundim të këtij mandati do të përmbushim 90% të premtimeve tona”, theksoi kryetari Hyseni.
