Hyseni thotë se këtë nuk do ta lejojnë SHBA dhe NATO.
“Asnjëherë nuk do të ketë kthim të ushtarëve serbë në Kosovë. Atë le ta harrojë Vuçiq sepse atë nuk do ta lejojë Shtetet e Bashkuara të Amerikës dhe NATO. Ata nuk do ta lejojnë”, ka deklaruar ai në emisionin “Ditari” në Tëvë1.
Sipas tij, fuqinë e ndalimit të ushtarëve serbë në Kosovë e ndalojnë vetëm Shtetet e Bashkuara të Amerikës dhe NATO-ja.
“Le të krekoset në Prishtinë cilido lider qoftë, cilido politikanë përfshirë edhe mua, por fuqinë e ndalimit në skenarin aq të errët të kthimit të forcave serbe në Kosovë e ndalon vetëm Amerika dhe NATO”, përfundoi Hyseni. /Teve1.info/
