Përkundër lajmeve të shumta se Elseid Hysaj do të largohet nga Lazio, mbrojtësi i krahut do të mbetet pjesë e ekipit italian deri në fund të sezonit aktual.
Bëhet e ditur se trajneri i Lazios, Marco Baroni dëshiron ta mbaj Hysajn në ekip për shkak të lëndimit të Manuel Lazzarit, i cili nuk do të kthehet deri në fund të muajit të ardhshëm.
Kështu që, Hysaj pritet të ketë minutazhë më të madhe këtë sezon dhe atë duke filluar nga ndeshja e ardhshme që Lazio e luan kundër Veronës në vikend.
30-vjeçari ka kontratë me Lazion deri në verën e vitit të ardhshëm, ndërsa këtë sezon ka vetëm katër paraqitje në të gjitha garat.
Hysaj ishte në listën e lojtarëve që Lazio planifikonte ti largonte këtë muaj dhe Empoli e Lecce ishin skuadrat e interesuara për shërbimet e tij.
