Skuadra e Lazios do të jetë pa mbrojtësin e krahut, Elseid Hysaj të paktën një muaj.
Pas kontrollimeve mjekësore, është konfirmuar lëndimi i Hysajt që e pësoi ditë më parë dhe futbollisti i Kombëtares së Shqipërisë, tashmë ka nisur rehabilitimin.
Hysaj u dëmtua në fitoren e Lazios 2:1 ndaj Cagliarit, ditë më parë, ndeshje në të cilën 31-vjeçari bëri edhe një asistim.
Ai u detyrua të largohet nga fusha në minutën e 62-të, kurse te Lazio po shpresojnë që Hysaj të jetë i gatshëm pas një muaji apo 45 ditësh.
Hysaj ka lënduar muskulin e këmbës së majtë, ndërsa këtë sezon ka regjistruar 6 paraqitje në kampionatin italian dhe ka bërë 2 asistime.
