I ftuar në “Info Nata” në Tëvë 1, Hysa thotë se pas 24 shkurtit, bota më nuk do të duket kurrë njësoj.
“Ajo që ndodhi sot do të mbahet mend në histori, pas 24 shkurtit bota nuk do të duket kurrë më njësoj. Është praktikisht një lloj faze e re në relacionet ndërkombëtare, ajo që bëri Putin zuri shumë kë në befasi edhe nga politika dhe nga aspekti ushtarak ndonëse kishte renditur 175 mijë forca. Që një kohë ai po luante me vëmendjen e bashkësisë ndërkombëtare e cila në disa përpjekje e luti të mos ndërhynte”, tha Hysaj.
Sipas tij, këto sulme janë të përgatitura mirë pasi që ushtarët rusë kanë marrë pjesë paraprakisht edhe në luftëra tjera në botë.
“Mendonin se do të jetë një lloj intervenimi i limituar që do të koncentrohej dhe ajo që ndodhi sot është kombinim i sulmit ushtarak i cili është total nga ajri dhe toka. Si formë e intervenimit ushtarak është diçka e re që sublimon një përgatitje të gjatë të forcave ruse që në një periudhë duket se janë trajnuar në luftëra të ndryshme në botë, përfshirë Libanin, Sirinë dhe Lebanin. Është demonstrim i forcës që po dëshiron të tregojë haptazi forcën në mënyrë të drejtpërdrejtë dhe arrgonate”, shtoi ai.
Po ashtu, politologu vlerëson se pas këtij konflikti, pritet të ketë një krizë ndërkombëtare, duke përmendur varshmërinë e disa shteteve evropiane nga gazi rus.
“Ajo që mund të pritet këto ditë do të jetë edhe dimension tjetër i kësaj krizë ndërkombëtare që do të ndikojë në krizën botërore. Dihet se një pjesë e madhe e shteteve evropiane varet nga gazi rus. Kemi parë lëvizje të ndryshme në BERZH-at botërore dhe këto ditë do të jemi koshient edhe për një dimension të një krize ndërkombëtare’, shtoi ai./teve1.info/.
