Christopher Hyland, bashkëpunëtor i ish-presidentit amerikan, Bill Clinton ka thënë se është koha që partitë politike të arrijnë marrëveshje dhe të formohet qeveria e udhëhequr nga Albin Kurti.
Në një deklarim për media pas takimit të zhvilluar me kryeministrin në detyrë, Albin Kurti ai ka thënë se qytetarët kanë dhënë fjalën e tyre në zgjedhje parlamentare.
Ai ka thënë se kriza që është në Kosovë do të tejkalohet.
“Kjo krizë që është në Kosovë tash, do të tejkalohet .Do të ketë të ardhme të fuqishme, të mirë për Kosovën. Kushtetuta do të respektohet dhe qeveria do të bëhet”, tha ai në një deklarim për media.
Për tejkalim të krizës ai ka thënë se është i bindur edhe vet Kurti.
“Albin Kurti, kryeministri, është i bindur që kjo periudhë do të mbetet mbrapa nesh, dhe që do të lëvizim para për të formuar qeverinë që sigurisht është vullneti i njerëzve. Shumica e njerëzve votuan për Albin Kurtin, dhe forcat që janë kundër formimit të qeverisë dhe lejimit të funksionimit të Kushtetutës, po punojnë kundër vullnetit të shumicës së njerëzve”, ka thënë ai.
