Sipas Policisë së Kosovës rasti ka ndodhur më 2 janar rreth orës 22:15.
“Në rrugën nacionale Leposaviq-Mitrovicë, ka ndodhur një aksident trafiku në të cilën është përfshirë një veturë, e cila derisa ishte në lëvizje (drejtuesi i panjohur) dyshohet për shkak të mospërshtatjes së shpejtësisë dhe kushteve atmosferike-mjegullës, ka humbur kontrollin dhe ka përfunduar në lumin Ibër”, thuhet në njoftim.
Policia thotë se vetura bashkë me shoferin i cili ishte pa shenja jete është gjetur në orët e mëngjesit, pasi gjatë natës nuk kanë arritu ta gjejnë.
“Në vendin e ngjarjes kanë dalë njësitet policore dhe zjarrfikësit, në kërkim të drejtuesit dhe veturës të cilët gjatë natës nuk kanë arritur ta gjejnë. Kërkimi ka vazhduar në orët e hershme të mëngjesit, ku është gjetur dhe nxjerrë automjeti së bashku me vozitësin i cili ishte pa shenja jetë”, thuhet në raportin 24- orësh të PK-së, raporton teve1.info.
Lidhur me rastin është informuar edhe prokurori kompetent për të vazhduar me procedurat e mëtejme.
