Një punëtor i moshës 26-vjeçare ka humbur jetën gjatë kryerjes së detyrave të punës në Prizren.
Sipas informacioneve fillestare, incidenti ka ndodhur në një kantier pune në lagjen Arbana, ku një vinç është rrëzuar dhe për pasojë ka zënë punëtorin.
Si pasojë e lëndimeve të rënda të pësuara, i riu nuk ka arritur t’u mbijetojë plagëve.
Menjëherë pas raportimit të rastit, në vendngjarje kanë dalë njësitë e Policisë së Kosovës, ekipet e emergjencës dhe inspektorët përkatës për të kryer ekzaminimet e nevojshme.
Policia për teve1.info ka konfirmuar rastin dhe ka bërë të ditur se janë duke u zhvilluar hetime për të zbardhur rrethanat e aksidentit dhe për të përcaktuar përgjegjësitë eventuale.
Me urdhër të prokurorit, rasti është iniciuar dhe po trajtohet nga organet kompetente.
