Gjithçka brenda kësaj banese, u bë shkrumb e hi gjatë orëve të mëngjesit të së hënës në komunën e Gjakovës.
E këtij zjarri, nuk i mbijetoi një 11 vjeçare që ishte brenda kësaj ndërtese.
Babai i saj, Bekim Qukani rrëfen se çfarë ka parë në ato momente dhe si ka ndodhur ngjarja.
Ai thotë se ka arritur ta shpëtoj vetëm të birin 14 vjeçar.
Sipas tij, probleme të njëjta kanë pasur edhe më herët me orën e rrymës.
Në vendin e ngjarjes kishin mbërritur shpejt edhe zjarrëfikësit, të cilët kishin filluar të nxjerrin jashtë personat.
Për këtë zjarr është njoftuar edhe Policia Rajonale e komunës së Gjakovës.
Sipas zëdhënësit të Policisë, Sheremet Elezaj, për rastin kanë filluar hetimet edhe nga prokuroria.
Gjatë së hënës, Tëvë1 ka kërkuar përgjigje edhe nga zyrtarët e KEDS-it, të njëjtit kanë thënë se kanë dërguar ekipe në vendin e ngjarjes, mirëpo pas verifikimeve, zjarri nuk është shkaktuar nga rrjeti i KEDS-it.
Raporti i gazetares Fetije Kamberi.
