Një tjetër ngjarje tragjike ka goditur vendin, pasi tre persona humbën jetën në dy raste të ndara si pasojë e aksidenteve në vendin e punës.
Njëri nga rastet tragjike u regjistrua në fshatin Gurrakoc të komunës së Istogut, ku Avdyl Osmanaj ndërroi jetë si pasojë e lëndimeve të rënda të pësuara ditë më parë në vendin e tij të punës. Vdekja e tij është konfirmuar për Tëvë1 nga Policia e Kosovës.
Ndërkohë, një tjetër incident i rëndë ndodhi këtë të hënë në Gjakovë, ku dy persona humbën jetën gjatë kryerjes së detyrave të tyre të punës. Rrethanat e këtij rasti ende nuk janë bërë të ditura plotësisht, ndërsa autoritetet kanë nisur hetimet për zbardhjen e ngjarjes.
Institucionet përgjegjëse nuk kanë dhënë ende detaje shtesë rreth shkaqeve të sakta që çuan në këto aksidente fatale.
