Kryetari i BSPK-së, Atdhe Hukolli, ka theksuar rëndësinë e një marrëveshjeje të përgjithshme kolektive për mbrojtjen e të drejtave të punëtorëve në Kosovë.
Sipas tij, mungesa e saj ka penguar përfitimin e pagës së 13-të, që është një kërkesë e vazhdueshme e sindikatës.
Ai ka shtuar se presioni i BSPK-së ndaj partnerëve socialë mbetet i madh për të përmirësuar situatën dhe për të garantuar të drejtat e punëtorëve.
“Fillimisht 1 Maji, BSPK-në e ka gjet pa një marrëveshje të përgjithshme kolektive e cila marrëveshje është shumë e rëndësishme sepse është Kushtetuta e të punësuarit, ku atje mbrohet të drejtat e punëtorëve do ta kishim pagën e 13-të të cilën pagë ne e kemi kërkuar gjithmonë me ngulm, besoj që paga e 13-të ka qenë presion I BSPKS-së ndaj partnerit social që ne kemi sot, sfidat janë të mëdha sepse sot kemi ngritje të çmimeve dhe nuk kemi lëvizje të koeficientit të pagave, kushtet e punëtorëve ende janë në një situatë jo të mirë, edhe për këtë arsye kemi lëndime e vdekje të punëtorëve në Kosovë”, ka deklaruar Hukolli në emisionin “Ditari” në Tëvë1./teve1.info/
