Deputeti i Partisë Demokratike të Kosovës, Enver Hoxhaj, ka kujtuar sot 35-vjetorin e shpalljes së Kushtetutës së Kaçanikut, duke e cilësuar atë si moment vendimtar në historinë e shtetndërtimit të Kosovës.
“35 vjet më parë, në Kaçanik u vendosën themelet e shtetit tonë me Kushtetutën e Republikës së Kosovës, akt guximi dhe vizioni që i hapi rrugë lirisë dhe pavarësisë!”, ka shkruar Hoxhaj në Facebook.
Ai shtoi se kjo ditë mbetet një nga momentet më të rëndësishme të historisë moderne të Kosovës dhe testament i përpjekjes shekullore për liri. /teve1.info/
