Këtë deklaratë Hoxhaj e bëri në emisionin “ResPublika” në tëvë1 teksa tha se nuk ka një marrëveshje paqeje në mes të dy popujve por ka më shumë një situatë armëpushimit.
Sipas deputetit të PDK-së kjo do të duhet ta shqetësonte më shumë Perëndimin që të jetë i vendosur lidhur me zhvillimet e fundit në veri dhe me marrëdhëniet në mes të dy vendeve.
“Meqë lufta në Kosovë ka përfunduar në mes Serbisë dhe Kosovës edhe me mbështetje ndërkombëtare, por nuk ka një marrëveshje paqeje, ka më shumë një situatë armëpushimit dhe kjo do të duhet ta shqetëson Perëndimin që të jetë më i vendosur në raport me zhvillimet jo vetëm në veri por në raport me marrëdhëniet në mes Kosovës dhe Serbisë. Marrëdhëniet në mes Kosovës dhe Serbisë janë më shumë marrëdhënie të armëpushimit sesa janë marrëdhënie të një paqeje të nënshkruar në mes të dy popujve”, tha ai.
Sipas Hoxhaj, partnerët ndërkombëtarë duhet të jenë më të prerë dhe më të vendosur në raport me Serbinë pasi që sipas tij se ka një rikthim të showenizmit serb i cili sipas tij ka qenë parakusht për lufta në ish – Jugosllavi.
“Partnerët ndërkombëtarë do të duhet të jenë më të prerë, më të vendosur në raport me Serbinë dhe është e pakuptueshme se si Serbia në vitin 2022 sillet njëjtë sikur Serbia e vitit 1992 dhe kur unë e dëgjoj se si flet Vuçiqi në mediat vendore dhe ndërkombëtare se çfarë thotë Daçiqi apo Vulini, ka një rikthim të showenizmit serb i cili ka qenë parakusht për konflikte dhe lufta enë ish-Jugosllavi dhe mendoj që kësaj duhet t’i jipet fund”, tha ai./Teve1.info
