Deputeti i PDK-së, Enver Hoxhaj ka thënë se nga sot Kosova nuk është demokraci dhe nuk ka as rend Kushtetues as Kushtetutë.
Ai ka thënë se qytetarët duhet ta ndëshkojnë Lëvizjen Vetëvendosje që sipas tij e ka pru vendin buzë greminës
“Presim që qytetarët e Kosovës ta shohin këtë situatë, ta gjykojnë këtë situatë dhe ta dënojnë një subjekt politik i cili e ka sjellë vendin buzë greminës. Kosova nga sot nuk është demokraci, në këtë vend nuk as Kushtetutë as rend kushtetues. Kurti i ka shfuqizua, suspenduar të gjitha institucionet demokratike të vendit. Është prej ditëve më rënda që ka pas Kosova prej që është shtet sovran dhe i pavarur”, tha Hoxhaj pas dështimit të konstituimit të Kuvendit.
Hoxhaj ka thënë PDK do të mbrojë Kushtetutën, ndërsa i ka bërë thirrje LVV-së që ta jap emrin e kryetarit të Kuvendit.
Ai ka thënë se konstituimi i Kuvendit dhe formimi i Qeverisë nuk lidhet me çështjen e presidentit.
