Drejtori i Përgjithshëm i Policisë së Kosovës Kolonel Gazmend Hoxha, bashkë me stafin e tij, të dielën kanë vizituar pikë kalimin kufitar në Jarinjë, si dhe familjen e rreshterit policor Afrim Bunjaku, i cili me 24 shtator 2023, ra heroikisht në kryerje të detyrës, në mbrojtje të vendit, integritetit dhe sovranitetit territorial të Republikës së Kosovës.
Sipas komunikatës Hoxha, falënderoi familjen e Heroit Bunjaku për sakrificën dhe kontributin e dhënë për shtetin e Kosovës, me ç ‘rast i siguroi ata se “Policia e Kosovës do të jetë gjithmonë pranë tyre duke kujtuar heroizmin e Afrimit dhe duke ofruar përherë mbështetjen e nevojshme për familjen e tij”
Familjes Bunjaku nga drejtori Hoxha iu dorëzua edhe një pllakatë me emrin e Heroit Rreshter Afrim Bunjaku, e cila ishte dhuruar nga Shoqata shqiptaro-amerikane (AALEA US ) e dedikuar për Heroin e Kosovës.
“Policia e Kosovës do ta kujtoj përherë heroin Afrim Bunjaku dhe të gjithë heronjtë e tjerë të cilët nuk kursyen as jetën e tyre për qytetarët dhe vendin”, thuhet në komunikatë, përcjell teve1.info
Ndërsa gjatë vizitës në pikë kalimin kufitar Jarinjë, Hoxha, takoi nga afër zyrtarët policor të cilët i falënderoi për punën dhe angazhimin e tyre të pakursyer dhe njëkohësisht kërkoi nga të vazhdojnë me përkushtim realizimin e detyrave policore në interes të sigurisë, parandalimit të krimit e kontrabandës dhe menaxhimit sa më efikas të kufirit shtetëror./teve1.info/
Policia e Kosovës ka njoftuar se për shkak të lëvizjes së madhe të qytetarëve në pikat kufitare me Serbinë, në mënyrë që të shmangen pritjet e gjata është angazhuar një personel shtesë.
Numër i madh i serbëve nga Kosova kanë udhëtuar të dielën në Serbi për të votuar atje, në zgjedhjet parlamentare dhe ato lokale.
Qeveria e Kosovës nuk ka lejuar organizmin zgjedhjeve të Serbisë në Kosovë. Ky shtet i kishte dërguar letër OSBE-së, për organizim të zgjedhjeve, ndërsa Qeveria e Kosovës kishte kërkuar që kërkesa të dërgohet direkt në Qeverinë e Kosovës dhe se për organizimin e zgjedhjeve paraprakisht do të duhej një “marrëveshje e veçantë”.
