Drejtori i policisë, Gazmend Hoxha ka thënë se situata në veri të vendit vazhdon që të mbetet e brishtë, me mundësi tensionimi.
E gjithë kjo sipas tij, për shkak të grupeve kriminale të cilat veprojnë në veri të vendit, shkruan teve1.info
“Situata në veri të vendit vazhdon të mbetet e brishtë, me mundësi tensionimi, për arsyeje të grupeve kriminale të cilat veprojnë në atë pjesë të vendit. Viti 2023 na ka përcjellur me rrëmbimin e tre zyrtareve policor, vrasjen e heroit, Afrim Bunjaku në Banjskë të Zveçanit, më 24-shtator”, ka deklaruar Hoxha gjatë raportimit sot në Komisionin për Çështje të Sigurisë dhe Mbrojtjes.
Më 24 shtator 2023, një grup i armatosur serbësh vrau rreshterin e Policisë së Kosovës, Afrim Bunjaku, në Banjskë të komunës së Zveçanit.
Si pasojë e përleshjeve të mëtejme u vranë edhe tre sulmues serbë.
Kosova e mban përgjegjës shtetin e Serbisë për këtë sulm, ndërsa Beogradi zyrtar e kundërshton këtë qëndrim.
Ish-nënkryetari i Listës Serbe – partisë më të madhe të serbëve në Kosovë – Millan Radoiçiq, më vonë e mori përgjegjësinë për sulmin.
Perëndimi e ka dënuar ashpër sulmin në Banjskë, por masat ndëshkuese të kërkuara aq shumë prej Kosovës nuk janë vënë ende./teve1.info
