Drejtori i Përgjithshëm i Policisë së Kosovës, Gazmend Hoxha, ka reaguar ndaj deklaratave të Komisionarit për Politikë të Jashtme të BE-së, Josep Borrell, ku tha se nuk do të tolerojnë arrestime jashtëligjore.
Hoxha tha se veprimet e Policisë së Kosovës janë të bazuara në ligj.
“Përgjigja jonë është se Policia e Kosovës është insitucioni i vetëm i mandatuar për zbatimin e ligjit në Republikën e Kosovës. Veprimet tona janë të bazuara në ligj”, është shprehur Hoxha në konferencë.
Ai tha se asnjë arrestim nuk është arbitrar, as i jashtëligjshëm.
“Të gjitha veprimet tona policore, përfshirë arrestimet bëhen përmes procesit të hetimeve. Asnjë arrestim nga Policia e Kosovës nuk është arbitrar, as i jashtligjshëm, por i bazuar në ligj”.
Hoxha ka theksuar se të gjithë shkelësit e ligjit do të indetifikohen dhe do të dërgohen para drejtësisë.
