Sulmuesi, Arbër Hoxha duket se është këndellur këtë sezon në ligën kroate.
Hoxha për Belupo ka qenë protagonist kryesor në ndeshjen e xhiros së 13-të, derisa në transfertë fituan me shifra 2:0, ku shënues ishte vetë futbollisti nga Kosova.
Së pari Hoxha e hapi epërsinë në minutën e 71-të të sfidës, pas një harkimi nga këndi nga Robert Mudrazija më së miri në zonë u gjend Hoxha, ku edhe e dërgoi topin në rrjetë për 1:0.
Šibenik 0-1 Slaven Belupo (71')
Arber Hoxha takes the lead for Slaven!!!! pic.twitter.com/BFgi8jVQ2n
— Everything About HNL (@AboutHnl) October 14, 2022
24-vjeçari edhe më bukur shënoi në minutën e 89-të, derisa nga një distancë e largët shënoi një eurogol për rezultatin përfundimtar 2:0.
Për Hoxhën ky ishte goli i tij i katërt, krahas një asistimi në 13-të ndeshje të zhvilluara. /Tëvë1/