Drejtori i Policisë së Kosovës, Gazmend Hoxha, në raportimin në Komisionin për Çështje të Sigurisë dhe të Mbrojtjes, ka thënë se njësia e veçantë e hetimeve nuk ka pasur largime apo transferime të asnjë polici apo eprori jashtë njësisë.
Hoxha ka garantuar se të gjitha lëvizjet e policëve në njësi të ndryshme janë bërë me kërkesën e tyre, duke theksuar se të njëjtit nuk kanë pasur presion.
“Nuk ka pas asnjë largim të udhëheqësit apo pjesëtarit të njësisë së hetimeve, ju përmendët disa emra se kanë lëvizur nga kjo njësi, njësia e veçante e task forcës, ju garantoj se janë bërë katër lëvizje me vetë dëshirën e tyre, ata asnjeri nuk kanë pas presion. Ju garantoj se kërkesa e tyre ka qene personale, nuk ka asnjë listë për largimin e tyre. Një problem ekziston, kanë qenë 30 policë, tash i kemi 27, brenda njësisë janë bërë disa ndryshime, në epror dhe polic, disa pozita janë ndryshuar, për arsyeje të sistemimit, disa rreshter janë të propozuar për toger. Kjo njësi është ndërtuar në vitin 2010”, u shpreh ai në këtë komision. /teve1.info/
