Hoxhë Fatmir Latifaj ka marrur pjesë në protestën e Organizatës së Veteranëve të Luftës së Ushtrisë Çlirimtare të Kosovës (OVL-UÇK), ku u bëri thirrje të gjithë shqiptarëve që të rrisin pjesëmarrjen në këtë veprim solidar.
“Kjo pjesëmarrje duhet të qindfishohet, sepse Ushtria Çlirimtare e Kosovës është e vetmja shpresë dhe e ardhme për shqiptarët. Çdo e mirë e këtij kombi është produkt i sakrificës së dëshmorëve dhe angazhimit të brezave që kanë luftuar pa kompromis,” tha Latifaj.
Ai theksoi se brezat e gjeneratave që kanë sakrifikuar vazhdojnë të mbahen padrejtësisht në Hagë, ndërsa me trillimet e Serbisë po përpiqet të rrënohet gjithçka që është arritur deri më sot.
