Ambasadori i ShBA-së në Kosovë, Jeff Hovenier ka marrë pjesë në përurimin e Institucionit Korrektues të Dubravës të Njësisë për Nevoja të Veçanta, raporton teve1.info
Përmes një postimi në Facebook të Ambasadës së ShBA-së është bërë e ditur se kjo njësi është e para në rajon, derisa Ambasadori Hovenier ka deklaruar se shteti që ai përfaqëson do të mbështes Kosovën në shërbimin korrektues.
Në fotografinë e publikuar nga Ambasada e ShBA-së shihet të ketë marrë pjesë edhe ministrja e Drejtësisë, Albulena Haxhiu.
“Ambasadori Hovenier: I nderuar që marr pjesë në hapjen zyrtare në Institucionin Korrektues të Dubravës të Njësisë së parë për Nevoja të Veçanta në rajon. Shtetet e Bashkuara do të vazhdojnë të mbështesin Kosovën teksa modernizon shërbimet korrektuese, përmirëson menaxhimin e rrezikut dhe trajton të burgosurit të pambrojtur”, thuhet në njoftimin e Ambasadës.
