Hovenier në fjalën e tij, tha se në Kosovë kanë tri qëllime strategjike, ku tha se mbështesin këtë të fundit për të marrë pjesë në strukturat dhe kombet euroatlantike, raporton Teve1.info
“Në kosovë kemi 3 qëllime strategjike. Ne e mbështesim Kosovën që të merr vendin e vet në strukturat dhe kombet euroatlantike dhe kjo kërkon punë të madhe për të ndihmuar dialogun e lehtësuar nga BE-ja sepse mendojmë se është mënyra më e mirë për të arritur atë qëllim”, tha ai.
Sipas tij, Kosova duhet të jetë në NATO.
“Forca e Sigurisë së Kosovës t’i përmbush mandatin e saj sepse dëshirojmë që të jetë një forcë e ndërveprueshme me NATO-n. Kosova duhet që të jetë në NATO. E dyta ka të bëjë me rritjen ekonomike dhe zhvillimin, sundimin e ligjit. Jeni një shtet që keni institucione që nuk e kanë përvojën, jeni shtet që vetëm 14 e gjysmë. Ne jemi shumë krenar që kemi ofruar për policinë, gjyqësorin e sundimin e ligjit”, deklaroi Hovenier.
Po ashtu, ambasadori amerikan tha se në Kosovë i pëlqen që të takohet me të rinjtë, sepse sipas tij janë aseti më i madh i saj dhe janë të aftë.
“Një prej gjërave që më pëlqen dhe mundësit është që të takohemi me të rinjtë e Kosovës, sepse janë aseti më i madh i saj, janë të rinjtë, dinamik, të përkushtuar , janë të aftë, flasin rrjedhshëm gjuhën angleze. Janë gjëra që duhet të punojmë dhe të qojmë përpara rajonin”, theksoi Hovenier. /Teve1.info/
