Ambasadori i Shteteve të Bashkuara të Amerikës në Kosovës, Jeffrey Hovenier, tha se është i shqetësuar me ndalimin e qytetarëve dhe zyrtarëve policorë në të Kosovës në Serbi,r aporton teve1.info
Hovenier para gazetarëve tha se SHBA-të vazhdojnë të punojnë me BE-në në procesin e dialogut në mes të Kosovës dhe Serbisë.
“Jam i shqetësuar për këtë çështje sepse dikë për të cilin ne e njohëm ndër vite të tëra dhe kemi ndihmuar për integrimin komuniteti serb në PK pavarësisht etnisë, andaj rolin tyre që e kanë luajtur në pjesën e PK-së përfshirë edhe në ruajtjen e trashëgimisë kulturore dhe jemi në mënyrë të veçantë të shqetësuar për ndalimin e Jankoviq”.
I pyetur nëse do të ketë reagime ndërkombëtare rreth ndalimit të qindra qytetareve të Kosovës një ditë më parë në Serbi, Hovenier u tha se deklarimi i mësipërm ishte përgjigjja e tij.
“Mendoj se sapo e thash këtë. Vazhdojmë të punojmë me BE-në dhe jemi të përfshirë ne procesin e dialogut dhe dëshirojmë që këto të zbatohen. Deklarata e BE-së është e qartë, ne nuk është se nuk dakordohemi me atë deklaratë dhe kërkojmë që të gjitha marrëveshjet e arritura në dialog të zbatohen”, tha Hovenier.
Ndërsa, i pyetur për dinarin dhe nëse pret që të arrihet një marrëveshje në Bruksel, ai tha se shpreson që kjo çështje të zgjidhet.
“Është e vështirë të them se çfarë mund të ndodh në këtë takim. Mund të them që ne shpresojmë të shohim që kjo çështje të zgjidhet dhe nuk e vë në dyshim autoritetin e BQK-së për të rregulluar sektorin financiar por e kuptojnë rëndësinë, nevojën për të ngushtuar mundësinë e manovrimit për pastrimin e parave por duhet pas parasysh dhe ndikimin e këtij vendimi tek qytetarët në mënyrë të veçantë ata serbë, jemi duke tentuar të gjejmë zgjidhjen e kësaj çështje në dialog. Shpresojmë që kjo çështje të zgjidhet nga të dyja palët dhe personat që preken me këtë të marrin benefitet e nevojshme”, tha ai.