Sipas tij, zgjidhja është në interesin e Kosovës sepse loja po zhvillohet në territorin e Kosovës, teksa shtoi se Kosova është bllokuar nga BE-ja ndërkohë Serbia nuk është bllokuar asnjë hap drejt Bashkimit Evropian.
“Zgjidhja e problemit Kosovë-Serbi është në interesin e Kosovës sepse loja po zhvillohet në territorin e Kosovës, humbës jemi ne, ne jemi të bllokuar nga Bashkimi Evropian, ndërkohë që Serbia nuk është e bllokuar në asnjë hap drejt BE-së prandaj ngutia është që ne të lëvizim përpara dhe mbi këtë bazë ne duhet ta ndërtojmë konsensusin sa më shpejtë që është e mundshme”, ka thënë Hoti në “Info Nata” në Tëvë1.
Më tej Hoti deklaroi se Rusia është e interesuar që Serbia të nisë një konfliktë të ri në Ballkanin Perëndimor, teksa tha se Kosova nuk është dashur të merret me çështjen e targave sepse sipas tij, shteti i Serbisë nuk ka problemin me targat me Kosovën.
“Rusia është e interesuar që Serbia ta luaj destabilizatorin rus në Ballkan dhe Serbia është duke e luajtur atë, Rusia është e interesuar që Serbia të nisë një konfliktë të ri diku në Ballkan Perëndimor ta mbajë Ballkanin Perëndimor në tension dhe ne është dashur si shtet i Kosovës që mos të merremi me çështjen e targave sepse Serbia nuk e ka problemin me targa me Kosovë, Serbia problemin me Kosovën e ka që nuk e njeh shtetin e Kosovës”, tha Hoti.
Tutje njohësi i integrimeve evropiane theksoi se Serbia nuk është e interesuar që të arrihet një marrëveshje midis Kosovës dhe Serbisë, madje ai në “Info Nata” tha se në momentin që të arrihet një marrëveshje mes dy shteteve pjesa në veri të Kosovës do të zbrazet nga serbët sepse sipas tij serbët vetëm tensioni i mbanë në veri.
”Serbia nuk është e interesuar që të arrihet një marrëveshje mes Kosovës dhe Serbisë sepse vetëm qetësia në veri i largon serbët sepse nuk kanë perspektivë ekonomike dhe mirëqenie sociale aty, vetëm tensioni i mbanë ata aty sepse joshën në forma të ndryshme dhe ata mendojnë që po i ruajnë tokat e tyre historike dhe mbi këtë bazë ata rrinë aty.
“Në momentin që arrihet një marrëveshje, zhbllokohet Kosova ajo pjesë e veriut do të zbrazet nga serbët”, shtoi ai./teve1.info/
