Deputeti i LDK-së, Avdullah Hoti sot do të udhëtojë për në Shtetet e Bashkuara të Amerikës.
Ai është ftuar për të marrë pjesë në dy aktivitete: “Forumi i Sigurisë” dhe “Lutjeve të Mëngjesit”.
Krahas këtyre aktiviteteve, ai do të takohet me zyrtarë amerikanë për të diskutuar çështjet dhe zhvillimet aktuale që lidhen me Kosovën.
“Forumi i Sigurisë” është aktivitet i rregullt që organizohet nga dy anëtarë të Dhomës së Përfaqësuesve të Kongresit Amerikan. Tema e këtij viti është “Ndikimi negativ kinez dhe rus në Ballkan”. Forumi është mundësi e mirë për prezantim të Kosovës si vend që kontribuon në sigurinë rajonale dhe renditet krahë aleatëve euro-atlantik në përballje me sfidat e sigurisë në Ballkan.
Lutjet e Mëngjesit” në Kongresin Amerikan janë tradicionale, ku marrin pjesë zyrtarë nga shumë vende të botës, me qëllim ndërtimin dhe fuqizimin e miqësive mes përfaqësuesve të qytetarëve nga vende të ndryshme për të mirën e përbashkët. Zoti e bekoftë miqësinë e popullit të Kosovës me popullin amerikan!”, ka shkruar ai në Facebook./teve1.info
