Deputeti i LDK-së, Avdullah Hoti ka thënë se të prezantohet si sukses suficiti buxhetor në kohën e krizës së inflacionit dhe krizës energjetike është naivitet.
Ky reagim i Hotit erdhi pas deklaratave të ministrit Hekuran Murati, i cili tha se deficiti buxhetor po zvogëlohet në rekord historik.
Sipas Hotit, në situatën kur pagat nuk rriten dhe bllokohen miliona euro të investimeve kapitale, sigurisht se buxheti del në suficit.
“Të prezantohet si sukses suficiti buxhetor në kohën e krizës së inflacionit dhe krizës energjetike është naivitet. Sikur të kishim rritje ekonomike 10%, ndoshta edhe do të kishte kuptim suficiti buxhetor.Por, në situatën kur pagat nuk rriten dhe bllokohen miliona euro të investimeve kapitale, sigurisht se buxheti del në suficit”, tha ai në Facebook./teve1.info./
