Hoti thotë “çfarë fati”, që 4 komunat e LVV-së që qeverisin në nivel nacional kanë arritur që të gjitha të fitojnë projekte nga Qeveria.
“Nga 7 komuna që kanë fituar projekte nga Ministria e Pushtetit Lokal, 4 janë nga VV. Në nivel nacional, VV qeveris në 4 komuna prej 38 sa janë. Por të gjitha kanë arritur të fitojnë projekte nga Qeveria. Çfarë fati!”, ka shkruar ai në një postim në Facebook.
Në vendimin e publikuar nga Hoti shihen komunat që kanë fituar projekte nga Qeveria.
“Komuna e Gjilanit ka fituar një projekt në vlerë 87 mijë e 500 euro, ajo e Podujevës në vlerë 111 mijë e 114 euro, e Shtimes ka fituar projekt në vlerë 113 mijë e 727 euro, derisa ajo e Kamenicës në vlerë prej 299 mijë e 960 euro, por që thuhet se është projekt edhe në bashkëpunim me Komunën e Novëbërdës. Komuna e Obiliqit ka fituar projekt në vlerë prej 100 mijë euro, ajo e Klinës prej 130 mijë euro dhe komuna e Istogut në vlerë prej 238,467 euro”, thuhet në vendimin e MAPL-së të publikuar nga ish-kryeministri, Avdullah Hoti. /teve1.info/
