Deputeti i LDK-së, Avdullah Hoti ka kritikuar Qeverinë për mënyrën si po e zhvillon dialogun me Serbinë dhe presidenten Osmani për deklaratën se rikthimi i regjimit të vizave është vrasje për dialogun.
Hoti i ka quajtur “demagogë” kryeministrin dhe zëvendësin e tij që sipas tij hoqën dorë nga dialogu për njohje reciproke që kishte fillur në kohën e Qeverisë Hoti.
“Dialogun e zhvillojnë skutave, hoteleve të plazheve e në darka private. Arrijnë marrëveshje të përkohshme në villën e Titos në Ohër, ku marrin obligime për autonomi për serbët dhe zbatim të asociacionit, të cilin e kishin kundërshtuar dhunshëm, në këmbim të disa obligimeve gjysmake, abstrakte e të paverifikueshme që pala serbe duhet të përmbushë”.
Teksa deklaratën e Osmanit e ka quajtur “kërcënim”.
“E tash ankohen e “kërcënojnë” aleatët pse ata po i kushtëzojnë proceset euro-integruese të Kosovës me respektim të kësaj marrëveshje”.
“Shtetin e Kosovës e ruajt Zoti, se zot shtëpie nuk ka momentalisht!”, ka shkruar Hoti.
