Deputeti i zgjedhur i LDK-së, Avdullah Hoti ka shprehur shqetësimin, siç tha ai ngecjen e marrëdhënieve strategjike të Kosovës me ShBA-në, duke e krahasuar situatën me zhvillimet në Serbi.
Ai theksoi se, në të njëjtën kohë, Serbia do të nisë të premten raundin e parë të dialogut strategjik me SHBA-në.
Ai ka kritikuar qeverisjen në detyrë për refuzimin në rrjetin rajonal të gazit, i cili përmes kësaj synohet të shpërndahet gazi amerikan me qëllim uljen e varësisë nga gazi rus të vendeve të rajonit dhe më gjerë.
“Po ashtu, Kosova, ka refuzuar të përfshihet në rrjetin rajonal të gazit, përmes të cilit synohet të shpërndahet gazi amerikan, i cili ka për qëllim uljen e varësisë nga gazi rus të vendeve të rajonin dhe më gjerë. Në të njëjtën kohë, fqinji verior i Kosovës tashmë ka hyrë në marrëveshje të mëdha kontraktuale energjetike, përfshirë edhe importin e gazit amerikan”, ka shkruar Hoti.
Hoti paralajmëroi se nëse kjo qasje vazhdon, Kosova do të mbetet e izoluar ekonomikisht dhe politikisht, siç theksoi ai duke humbur mundësinë për forcimin e partneritetit strategjik dhe të sigurisë energjetike./teve1.info/
