Hoti tha miratimi i këtij Projektligji i shkatërron në veçanti bizneset e vogla të cilat sigurojnë të ardhura për familjet e tyre, shkruan teve1.info
“Ne sot vendosim nëse do të ruajmë ekonominë e tregut ose nëse do të fusim elemente të organizimit centralist dhe do ta argumentojë në vijim e shkatërrojnë biznesin në veçanti bizneset e vogla që sigurojnë të ardhura për familje”, deklaroi Hoti.
Sipas tij, Projektligji bie ndesh me kushtetutën e Kosovës, i jep ekonomisë së vendit karakter centralist, e pa mundur të zbatohet edhe nëse miratohet ashtu siç është dhe se do të falimentoj tregtarët e vegjël dhe do ti furnizojë tregtarët e mëdhenjë.
“ 1.Ky projektligj bie ndesh me kushtetutën.
2.I jep ekonomisë së Kosovës karakter centralist.
3.Është e pamundur të zbatohet edhe nëse miratohet kështu.
4.Do të falimentojnë tregtarë e vegjël, do ti fuqizojë tregtartë e mëdhenjë ose oligarkët siç i quani ju.”, tha Hoti.
Madje ai tha se ky Projektligj mund të vlejë vetëm kur shpallet gjendja e jashtëzakonshme në vend apo në kohë lufte.
“Një ligj që cakton marzhe tregtare, çmime maksimale dhe i detyron bizneset të mbajnë në stoqe e kufizon konkurrencën dhe rrjedhimisht mund të vlejë vetëm kur shpallet gjendja e jashtëzakonshme apo në kohë lufte”, tha deputeti i LDK-së./teve1.info
