Hoti përmes një postimi në Facebok ka thënë se teksa pushtetarët mbajnë konferenca e fjalime, duke shpallur prokurorinë e gjyqësorin tradhtarë, të huajt po i largojnë barrikadat.
Sipas tij, institucionet nuk ishin në gjendje të ofrojnë ndihmën e nevojshme mjekësore për të arrestuarit.
“Barrikadat i largojnë të huajt. Ju mbani konferenca për media në Prishtinë e fjalime para FSK-së. Shani edhe gjyqësorin e prokurorinë sa të mundeni, shpallini tradhëtarë. Por të arrestuarit nuk ishit në gjendje t’i ofronit ndihmën e nevojshme mjekësore dhe ta sillnit në objektin e paraburgimit”, ka shkruar Hoti
“Ju nuk jeni për asgjë. Ju nuk dini të mbani shtet. Ju dini vetëm të shani”, shtoi ai.
