Në një postim në Facebook, Hoti ka thënë se kjo marrëveshje është e natyrës së partneritetit strategjik mes Kosovës dhe SHBA-së, shkruan teve1.info
“Pyetjet themelore janë: 1. Pse po neglizhohet kjo marrëveshje? 2. Pse po neglizhohet studimi i fizibilitetit për të lidhur Prishtinën me hekurudhë në Portin e Adriatikut? 3. Pse po neglizhohet mundësia për qasje në financim për ndërmarrje të vogla dhe të mesme në tregjet financiare amerikane? 4. Pse po neglizhohet mundësia për projekte bilaterale? 5. Pse po neglizhohet zbatimi i Marrëveshjes Kosovë-SHBA për Insentiva në Investime, e nënshkruar më 31 dhjetor 2020 nga Qeveria Hoti? 6. Pse u shty për më shumë se një vit marrëveshja me MCC për energji, ku përfshihej rrjeti i gazit dhe bateritë për ruajtje të energjisë, e në fund prapë u pajtuan për bateritë?”, ka shkruar ai.
Tutje, Hoti ka thënë se në ditët në vijim do t’i publikojë të gjitha marrëveshjet e nënshkruara nga Qeveria Hoti me SHBA, siç thotë ai, “të cilat po neglizhohen, si dhe pasojat për Kosovën”.
Marrëveshja për normalizimin e marrëdhënieve ekonomike ndërmjet Kosovës dhe Serbisë, u nënshkrua më 4 shtator të vitit 2020 në Shtëpinë e Bardhë, në praninë e presidentit të atëhershëm amerikan Donald Trump.
Dy versione të dokumenteve për palën e Kosovës dhe atë të Serbisë, i kanë nënshkruar kryeministri i atëhershëm i Kosovës Avdullah Hoti dhe presidenti aktual i Serbisë Aleksandar Vuçiq. /Teve1.info/
