Deputeti i LDK-së, Avdullah Hoti, tha se po të zgjatej hunda e njerëzve nga gënjeshtrat, dikujt do t’i zgjatej nga foltorja e Kuvendit deri tek ulëset e opozitës, raporton teve1.info
Hoti këtë deklarim e bëri përmes një postimi në Facebook, derisa iu referua kryeministrit të Kosovës, Albin Kurti, gjatë kohës kur në Kuvendin e Kosovës po diskutohet për marrëveshjen e arritur në Ohër.
“Nëse njerëzve do u zgjatej hunda sa herë që gënjejnë, njërit do i zgjatej nga foltorja e Kuvendit e deri tek ulëset e opozitës”, ka shkruar Hoti.
Një ditë më parë, me akuzën e gënjeshtrës, edhe Partia Socialdemokrate e kishte publikuar një fotografi të Albin Kurtit me hundë të zgjatur, duke aluduar në personazhin e filmit vizatimor, Pinokio.
