Në një lidhje direkte në “Info Nata” në Tëvë 1, Hoti thekson se ky grup punues është në nivelin më të ulët diplomatik dhe se i njëjti është formuar në vitin 2018.
“Nëse e shikojmë programin e Preëisdenceës Çeke në asnjë vend nuk përmendet që liberalizmi është në rend dite, kjo që u përmend nga Presidenca Çeke për këtë grupin punues për liberalizim është niveli më i ulët në Këshillin e BE-së, aty ku ulen ministrat e vendeve të BE-së në formacione të ndryshme. Grupi punues i vizave është në kuadër të formacionit të Këshillit të Ministrave të BE për drejtësi dhe punë të brendshmë, është niveli më i ulët teknik ku ulen vetëm anëtarët e zonës së Schengenit dhe diskutojnë për aspektet e ndryshme. Kosova ka qenë që nga 2018-ta në këtë grup punes… Nuk pres, nuk jam optimist se do të bëhet shumë nga ky grup”, thotë ai.
Sipas tij, nëse kalohet nga ky grup çështja e liberalizimit kalon në nivele më të larta, duke filluar nga ai i ambasadorëve të vendeve të BE-së deri te ministrat.
“Por si do që të jetë nëse kalohet nga ky grup atëherë kalohet në nivelin e ambasadorëve të përhershëm të vendeve anëtare në Këshillin e BE-së nga niveli ambasadorëve në ministrave, nëse miratohet është rregullore e BE që e fut Kosovën nga lista e zezë që nuk ka nevojë për viza dhe pastaj ajo mund të shpallet në gazetën zyrtare të BE-së”, shtoi ai./teve1.info/
