Deputeti i LDK-së, Avdullah Hoti, ka thënë se mungesa e rishikimit të buxhetit do të ndikojë negativisht në ekonomi.
Ai kritikoi Qeverinë për mosrishikim të buxhetit për vitin 2022.
Përmes një postimi në Facebook, Hoti tha se shpenzimet kaptiale në gjashtë muajt e parë të vitit janë në nivelin më të ulët historik, me vetëm 11% realizim, prandaj sipas tij ka qenë e domosdoshme të rishikohet buxheti për ta rishpërndarë në projekte që mund të realizohen.
“Me këtë dinamikë shumë të ulët të realizimit të buxhetit në gjashtë muajt e parë, dhe në mungesë të rishikimit të buxhetit, është e sigurt se zbatimi i projekteve kapitale sivjet do të jetë shumë i ulët. Kjo do të nënkuptojë qindra miliona mungesë në qarkullimin ekonomik në vend, që do të ndikojë negativisht rritjen ekonomike, punësimin dhe të ardhurat e përgjithshme”, ka shkruar ai. /teve1.info/
