Sipas tij, thellimi i deficitit tregtar janar-gusht 2022 krahasuar me periudhën e njëjtë të vitit të kaluar ka ndodhë pasi eksportet e Kosovës janë rritë për 150 milion kurse importet për 800 milion euro.
“Dhe kjo e ka çu deficitin tregtar me 3 miliardë euro dhe 56 për qind më shumë krahasuar me vitin paraprak edhe besoj që këtu ia keni thy një rekord vetes sepse kështu po i shini”, tha Hoti
Ai tha se këtë vit gjatë kësaj periudhe janë importuar të gjitha mallrat pa përjashtim dhe sipas tij kjo e vë një pikëpyetje të madhe të rritjes ekonomike dhe 40 mijë vendeve të punës.
“Nëse shihen importet vetëm në vendet e regjionit kemi me pa që nga Shqipëria janë zvogëluar importet për 10 për qind por nga Serbia janë rritë për 30 për qind. Keni me thënë Kosova ka ekonomi të lirë të tregut. Por ka pas edhe kur i keni përmbys kamionët që vinin nga Serbia”, tha Hoti.
“Vitin e kaluar janë importuar 540 milion litra naftë dhe janë arkëtuar 220 milion euro. Sivjet janë importuar 500 milion litra por janë arkëtuar 447 milion euro, që është dyfish më shumë.
Krejt këto kanë shku në bilancin bankar të Qeverisë. Po i gërryen inflacioni, 20 për qind të këtyre mjeteve kanë humbë. Këto shifra e arsyetojnë plotësisht propozimin e LDK-së që të hiqet akciza përkohësisht në naftë dhe të zvogëlohet TVSH-ja, nëse do ishin zvogëlu, sot qytetarët do i kishin 220 milion euro më shumë e nuk do rrinin këto mjete ne bilancin bankar të Qeverisë dhe të zhvlerësoheshin me normën e inflacionit”, tha Hoti
