Ai ka thënë se integrimin e Kosovës në BE dhe NATO e presin me padurim.
“Me padurim presim ditën kur Kosova të bëhet pjesë e familjes së madhe evropiane dhe aleancës së NATO-s. Angazhimi ynë politik në çdo kohë ka qenë dhe mbetet në funksion të integrimit euro-atlantik të Kosovës, pavarësisht sfidave që na imponohen nga jashtë apo politikës së brendshme që kurthohet kohë pas kohe e na humb kohë të vlefshme”, ka shkruar Hoti në Facebook, transmeton teve1.info.
Ai këto deklarata i ka bërë gjatë një urimi për Kroacinë pas hyrjen në zonën Shengen të cilën e ka vlerësuar të rëndësishme për gjithë Ballkanin Perëndimor.
“Urime Kroacisë për hyrjen në zonën Shengen dhe futjen e euros në qarkullim. Kjo është padyshim e rëndësishme për të gjithë Ballkanin. Pas 27 vitesh të luftës së përgjakshme, kjo është një arritje e madhe. Me durim dhe vendosmëri arrihet gjithçka”, ka shkruar ai.
Kroacia më 1 janar ka hyrë në zonën Shengen ku edhe ka futur në qarkullim valutën euro.
