Në përvjetorin e lindjes së Heroit të Kombit, Ilir Konushevci, u zhvilluan homazhe dhe u vendosën lule pranë bustit të tij në Kazermën “Adem Jashari” në Prishtinë.
Në ceremoninë përkujtimore mori pjesë edhe ministri në detyrë i Mbrojtjes, Ejup Maqedonci, i cili nderoi jetën, veprën dhe sakrificën e Konushevcit, duke e cilësuar atë si një nga figurat kyçe të organizimit të Ushtrisë Çlirimtare të Kosovës.
Ilir Konushevci u kujtua si një ndër themeltarët e UÇK-së dhe një prej figurave më të rëndësishme të luftës për çlirimin e Kosovës. Në deklarime u theksua se veprat e tij mbeten frymëzim për brezat, ndërsa sakrifica e tij simbolizon çmimin e lirisë./teve1.info/
