Gjyqtarja kosovare Florentina Kallaba ka hyrë në histori në Kupën e Botës në futsall për femra, që po zhvillohet në Filipine. Ajo u paraqit për herë të parë në këtë kompeticion dhe u bë gjyqtarja e parë nga Kosova që ndan drejtësinë në një event të këtij niveli.
Në ndeshjen Panama – Iran, e cila përfundoi 2:6, Kallaba ishte gjyqtare kryesore dhe zhvilloi një performancë të shkëlqyer, duke përfaqësuar denjësisht Kosovën në një skenë të madhe ndërkombëtare.
Pjesëmarrja e saj vlerësohet si një arritje e madhe për sektorin e gjyqtarëve në vend, por edhe për FFK-në, ndërsa shërben si motivim i fuqishëm për vajzat dhe gratë që synojnë karrierë në futsall dhe futboll.
