Ai në një lidhje direkte në “Info Nata” në tëvë1, thotë se është shqetësuese mungesa e një serioziteti të institucioneve të vendit karshi ngjarjeve të tilla.
Sipas tij, duke i përkujtuar dhe nderuar këta ushtarë serbë, po tentohet të keqpërdoret historia dhe se aty ka pasaktësi.
“Shqetësuese është mungesa e një serioziteti të shtuar të institucioneve për me kriju një seriozitet në raport me këto ngjarje meqë shpeshherë dimë me dalë në lajthitje të tilla. Për me i renditë disa fakte ajo që është përkujtuar ditën e premte nga ambasadori i Gjermanisë dhe Francës dhe ministri është një keqpërdorim ose instrumentarizim i historisë. Ata ushtarë serbë që u përkujtuan ku shkruhet ushtarët serbë të rënë në Luftën e Parë Botërore ka pasaktësi dhe ka një kontradiktë të çuditshme”, tha ai.
Shala vlerëson se gjithë kjo është bërë për t’a amnistuar një krim ndaj popullsisë shqiptare ku ishin vrarë rreth 35 mijë civilë shqiptarë.
“Pasaktësia qëndron se Lufta e Parë nuk ka filluar në 1912 por në 1914 dhe krimet më të mëdha ndaj Kosovës nga garda ushtarake serbe janë bërë pikërisht para Luftës së Parë, qysh nga vjeshta e vitit 1912 kur fillon Lufta e Parë Ballkanike ose pushtohet Kosova nga trupat serbe, kemi krime të cilat përfshijnë burra, gra, fëmijë deri në 35 mijë”, tha ai.
Po ashtu, ai historiani thekson se kjo është bërë me qëllim nga ambasada gjermane e franceze, teksa kritikon institucionet e vendit për mungesë informacionesh rreth këtyre ngjarjeve.
“Pra tendenca është me u paraqit ose amnistu një krim ndaj një popullsie shqiptare duke i fut 2 vjetët e para sikur kanë qenë të një luftë të madhe. Këtu kemi një keqpërdorim dhe instrumentalizim të historisë me qëllim nga ambasadat sidomos. Ndërsa institucionet e Kosovës janë indiferente dhe kritika e vetme është paaftësia për me i kuptu dhe mos me ditë këto ngjarje, është dashur të kenë këshilltarë që janë shumë më sy hapur ndaj këtyre veprimeve sepse ka njerëz familjarë që kanë memorie kolektive të trashëguar dhe preken nga ato përkujtime në rastin konkret”, tha ai./teve1.info/
