Historiani, Shkodran Imeraj në “Info Nata” në Tëvë1, ka folur rreth kësaj çështje duke thënë se ky vendim është me precedent të rrezikshëm për Kosovën.
“Do të bëhen 6 vite kur Gjykata Kushtetuese ka marrë vendimin, me anë të së cilit i njihet pronësija e Manastirit të Deçanit rreth 24 hektar pronë publike” tha ai.
“Është një vendim me precedent të rrezikshëm për Kosovën, sepse ky do të jetë reflektim edhe te kisha të tjera politike të cilat janë ndërtuar në periudhën e viteve 90 dhe të cilat kanë marrë pronë duke u thirrur në ligjet e kohës së masave të dhunshme”, tha Imeraj.
I pyetur nëse kisha ortodokse e cila gjendet në oborrin e Universitetit të Prishtinës do të kërkonte prona, a do t’i jepnin pronë, ai ka thënë se kjo kishë vite më parë e ka fituar betejen karshi Universitetit të Prishtinës.
“Kisha e cila është në brendsi të kampusit të Universitetit të Prishtinës, kohë më përpara ka fituar betejen karshi universitetit, në shkallën e parë në Gjykatën Themelore të Prishtinës, dhe me sa ne kemi informacion Universiteti i Prishtinës është ankuar në një shkall më të lartë, dhe tashmë po pritet që aty të kemi një vendim që ne pak a shumë e kemi parashikuar që mund të jetë i njëjtë sikur ky i pronave të Manastirit të Deçanit, sepse ajo kishë dihet që është ndërtuar në vitet e 90”, tha ai në Info Nata.
Sipas Imerajt ky vendim është vendim politik, i cili është i padrejtë dhe sipas tij nëse ky vendim lexohet në detaje është një shkelje e rëndë e Kushtetutes së Kosovës.
Për moszbatimin e këtij vendimi institucionet e Kosovës janë kritikuar edhe nga ambasadat e vendeve të QUNT-it.
