Autore: Jona Kelmendi
Kanë ardhur nga Sarajeva në Kosovë.
Nikoqir për këta nxënës nga Bosnja, është shkolla “Kongresi i Manastirit” nga Pozherani i Vitisë.
Secili prej nxënësve, për gjashtë ditë do të qëndrojnë si mysafirë në disa familje të Vitisë.
Sot, ata vizituan Muzeun Etnologjik në Prishtinë duke u njohur nga afër me kulturën dhe traditat shqiptare.
“Kjo vizitë në Kosovë nuk është e para për mua. Jam aq e lumtur këtu, sa po kam dëshirë që të vij sa më shpesh. Përveç historisë, edhe mikpritja është ajo që më pëlqen shumë në Kosovë”, tha Fatima Ibrahimoviç, nxënëse nga Sarajeva.
Edhe Amina është e mahnitur me pritjen që ia bëri një familje në Viti.
“Shumë më pëlqen qyteti por më shumë më ka lënë përshtypje mikpritja që ma kanë prit familja. Familja që unë po qëndroj as nuk e marrin vesh gjuhen që unë flas,por jam duke kaluar shumë mirë. Këtu më pëlqen edhe mikpritja por edhe historia e njëjtë”, tha Amina Ruçiq.
Nga ana tjetër, nxënësit vendas po e shohin këtë si një mundësi për tu njohur me kulturën boshnjake, një përvojë që Aurela Frangu e vlerëson emocionuese.
“Shkëmbimi i njëjtë ka me ndodh edhe me Sarajeven kemi me qendru edhe na 6 ditë me shokët tanë të ri kena me msu për kulturat tona të përbashkëta edhe për ngjarjet tona”, tha ajo.
Koordinatorja nga Sarajeva thotë se ky bashkëpunim po krijon lidhje të reja mes dy vendeve.
“Ne kemi ardhur dje dikun nga ora 5 pasdite, familjet i kanë marr fëmijët ata kanë qenë shumë të lumtur edhe ne si mësues jemi shumë të lumtur që jemi këtu kjo është hera e dytë që vim në shkollen e njejtë në Pozheran dhe këtë herë jemi duke bërë qëndrim nëpër shtëpia. Po na pelqen shumë ne po e njohim kulturën e juaj më mirë dhe ne duam që edhe fëmijët nga Pozherani të vinë në Sarajevë”, shprehet Melisa Kustura.
Drejtori i shkollës pritëse, Mufail Halabaku, tregon se komuniteti i Pozheranit i ka mirëpritur me shumë gëzim këta nxënës.
“Dje kur na njoftun, që janë në pikën kufitare në Zubin Potok veç filluam përgatitjet edhe pse i kemi filluar më kahere por dje i kemi përgatit familjet që kan me i pranu nëpër shtëpitë e tyre, unë u takova me prinderit dhe e pash që janë teper të gzum edhe fytyrat e tyre u vrejshin që janë gati me i prit sikurse gjithë shqiptaret që janë gati me i prit mysafirët”, thotë ai.
Halabaku thotë se gjatë ditëve të mbetura, bashkë me fëmijët do të vizitojnë edhe shumë vende të tjera të Kosovës.
