Ambasadori amerikan në Serbi, Christopher Hill, pas arritjes së dakordimit të Marrëveshjes dje në Ohër, mes kryeministrit të Kosovës, Albin Kurti dhe presidentit të Serbisë, Aleksandar Vuçiq, ka thënë se Serbia ka përqafuar të ardhmen e saj evropiane dhe një plan të qartë se si të arrijë atje.
Sipas Hill, mbetet shumë punë ende, derisa ka thënë se Shtetet e Bashkuara e ndihmojnë Serbinë në çdo hap të rrugës, raporton teve1.info.
“Rezultati më i rëndësishëm nga bisedimet e Ohrit: Serbia ka përqafuar të ardhmen e saj evropiane dhe një plan të qartë se si të arrijë atje – një vendim që kërkonte mençuri, integritet dhe guxim. Mbetet shumë punë dhe Shtetet e Bashkuara do të jenë me ju në çdo hap të rrugës”, ka shkruar Hill.
The most important outcome from the Ohrid talks: Serbia has embraced its European future and a clear plan for how to get there—a decision that took wisdom, integrity, and courage. Much work remains, and the United States will be with you every step of the way.
— Ambassador Christopher R. Hill (@usambserbia) March 19, 2023
Dje, në takimin e Ohrit, kryeministri Kurti dhe presidenti serb Vuçiq janë dakorduar për Marrëveshjen e propozuar nga Be, por nuk arritën ta nënshkruajnë zyrtarisht.
