Hill e përsëriti që formimi i Asociacionit është një detyrim i Kosovës që rrjedh nga Marrëveshja e Brukselit.
“Nëse e lexoni tekstin me kujdes, gjashtë pikat e para kanë të bëjnë me formimin e Asociacionit dhe ky është një element thelbësor për të ecur përpara. Dhe kjo duhet trajtuar në radhë të parë, pasuar nga ajo që thuhet në propozimin franko-gjerman i cili gëzon mbështetjen e BE-së. Ky dokument shkon në ide më të gjera që do të kërkojnë më shumë kohë”, tha Hill.
Tutje ai tha se ShBA-ja nuk ka një plan për asociacionit porse duhet të përpunohen detajet.
“Marrëveshja e Brukselit ka vetëm gjashtë fjali, për këtë duhet të punohet më shumë dhe të përpunohen detajet”, tha ambasadori amerikan, shkruan rtv.rs.
Hill tha gjithashtu se Serbia tani është “ndoshta në rrugën më të rëndësishme në historinë e saj – drejt anëtarësimit në integrimet euro-atlantike”.
