Ambasadori amerikan në Beograd, Christopher Hill, ka thënë sot se Kosova do t’i bartë pasojat e mosdëgjimit të këshillave të Shteteve të Bashkuara të Amerikës dhe se kjo do të ndikojë në marrëdhëniet me Uashingtonin.
Megjithatë Hill tha se nuk është njoftuar personalisht me të gjitha detajet, shkruan tanjug, përcjell teve1.info.
Ai u tha gazetarëve në Beograd se duhet të bëhet progres në normalizimin e marrëdhënieve ndërmjet Beogradit dhe Prishtinës, formimin e Asociacionit dhe vazhdimin e dialogut.
“Sekretari ynë i Shtetit Anthony Blinken e ka bërë të qartë se ai kundërshton çdo lëvizje që ka bërë Kurti që është në kundërshtim me të gjitha këshillat që kemi dhënë dhe Blinken ka thënë se do të ketë pasoja. Ne duhet të përpiqemi të mos humbasim busullën dhe drejtimin tonë dhe ajo është formimi i Asociacionit, normalizimi i marrëdhënieve. Është e nevojshme që rajoni i Ballkanit të pajtohet dhe të vazhdojë në drejtim të BE-së dhe integrimeve euroatlantike”, tha Hill.
