Grupi libanez Hezbollah ka njoftuar se militantët e tij lëshuan dhjetëra raketa Katyusha drejt Izraelit.
Hezbollahu thotë se raketat janë lëshuar drejt shtabit të mbrojtjes ajrore të forcave izraelite (IDF) në zonën e kazermave Kaila në Lartësitë e Golanit, raporton cnn.
Grupi gjithashtu deklaroi se mbështet popullin palestinez në Gaza dhe rezistencën e tyre kundër sulmeve izraelite në zonat civile.
Hezbollah tha se sulmi u krye në orën 00:35 (orën lokale të së dielës).
Ndryshe, mediumi shtetëror iranian, IRNA ka raportuar se Irani tashmë ka nisur edhe sulmin me raketa ndaj Izraelit.
Irani më herët ka lëshuar rreth 100 dronë në drejtim të Izraelit, të cilët raportohet se kanë hyrë në zonën ajrore të Izraelit./teve1.info/
