Hendbollistet e Kombëtares së Kosovës do të zhvillojnë sonte përballjen ndaj Suedisë nikoqire, në rrugëtimin drejt Botërorit.
Të udhëhequra nga përzgjedhësi Faruk Shabani, hendbollistet dardane janë pranë një sfide të vështirë për duelin në Karlskrona.
Ndeshja Suedi – Kosovë i takon fazës së dytë kualifikuese për Botërorin 2025 derisa hendbollistet tona janë stërvitur që nga e hëna në qytetin tjetër suedez, Eslov.
Kosovës për dy duelet me Suedinë i mungojnë Leonora Demaj, Marigona Hajdari dhe Arlinda Hajdari, për shkak të lëndimeve dhe arsyeve personale, ndërsa janë rikthyer në kombëtare, Mirela Gjikokaj dhe Merlinda Qorraj, që janë lojtare të elitës së Norvegjisë.
Ndeshja Suedi – Kosovë nis nga ora 19:00.
