Pas dy humbjeve në dy ndeshjet e para, Kosova U19 në hendboll të shtunën ka shënuar fitoren e parë në Botërorin që po mbahet në Egjipt.
Hendbollistët e rinj triumfuan ndaj Marokut, fitore kjo që erdhi pas humbjeve nga Zvicra e Hungarian ë kuadër të fazës së parë të grupeve.
Javën tjetër, prej të martës, Kosova U19 nis fazën e dytë të grupit, në të cilën marrin pjesë kombëtaret që luftojnë për plasman sa më të mirë.
Pra, Kosova U19 do të luaj për renditje prej pozitës së 17-të deri në pozitën e 32-të kurse në fazën e dytë, Kosovës i bartend y pikët e fituara ndaj Marokut.
Kosova U19 do të përballet me Kuvajtin e Portugalinë, me fitore ndaj të dyjave do të luaj për plasman prej vendit të 17-të deri në vendin e 20-të, ndërsa nëse pëson një humbje luan për renditje 21 deri 24.
Ndeshjen me Kuvajtin, Kosova e luan të martën prej orës 14:00 kurse me Portugalinë do të përballet të mërkurën prej orës 11:15.
Është kjo pjesëmarrja e tretë e Kosovës në Kampionate Botërore në sportet ekipore pas dy të kaluarave që po ashtu ishin në hendboll – në Botërorin U21 në Spanjë dhe Botërorin U18 në Kinë.
